Gjykata izraelite dënon imamin e Al-Aksasë

Një gjykatë izraelite ka dënuar imamin e xhamise Al-Aksa, Sheikh Raed Salah, njëherazi udhëheqës i organizatës “Lëvizja Islamike”. Ai u ngarkua me akuza për gjoja "nxitje dhune."

Gjykata megjithatë ka lënë përkohësisht Salah në liri me kusht, ndërsa akuzat ndaj tij ishin edhe “nxitje për racizëm”. Në vitin 2007, Salah tha se ishte në gjendje të jepte qoftë edhe jetën e tij në mbrojtje të xhamisë së Shenjtë Al-Aksa, transmeton mesazhi.com.

Pas këtyre deklaratave, policia izraelite kishte penguar udhëheqësin që të hyjë në Qytetin e Vjetër të Jerusalemit.

Grupet e kolonëve hebrenj, shpesh të shoqëruar nga forcat e sigurisë izraelite, në mënyrë rutinore kanë sulmuar kompleksin e Xhamisë Al-Aksa në qytetin e Kudsit (Jerusalemit).

Shkeljet e shpeshta herë pas here çuan në përleshje të dhunshme në kompleksin e xhamisë.