Shqiptarët e kapur peng në Siri nga al-Qaeda (Video)

Hetem Sinan Dema e Qani Mujaku nga Kaçaniku dyshohet të mos jenë shqiptarët e fundit të vrarë këto ditë në Siri.

Si rezultat i përplasjeve me rebelët vendës dhe jo me forcat e presidentit Bashar al-Assadit, pretendohet se ka edhe shqiptarë të tjerë që janë vrarë të hënën në veriperëndim të Sirisë.

Burimet thonë se në një përpjekje të grupeve rebele për ta pastruar lëvizjen e tyre nga elemente të al-Qaedas, i kanë vrarë në një aksion të paktën 34 luftëtarë të huaj në Siri, transmeton orainfo.

“Unë jam te xhebha dhe gjatë luftimeve jam kapur, por me kanë pritur shumë mirë këtu”, thotë ai, derisa iu bën thirrje të tjerëve që “të maten mirë nëse e kanë ndërmend të luftojnë kundër grupit Al Nusra”.

Më pas burri me mjekër që flet shqip e pyet një person tjetër në gjuhën shqipe, por i shtyrë që t’i parashtrojë pyetje nëse i kanë marrë peng gratë Ushtria e Lirë.

“Jam Abu Alban. Familjet tona në Siri janë mirë”, thotë ai, derisa nuk i shihet fytyra. “Ne kemi ardhur këtu për të luftuar për hir të Allahut e jo për të vrarë njëri-tjetrin”, thotë ai.

Shumica e shqiptarëve që luftojnë në Siri janë në veri të këtij shteti, gjegjësisht në kufirin e Sirisë më Turqinë në provincat Idlib dhe Alepo. Në provincën Idlib ka ndodhur vrasja e 34 të huajve. Në bazë të një skenari të njohur, shumica e vullnetarëve shqiptarë kanë përfunduar në tokën siriane duke udhëtuar përmes Turqisë.

Luftëtarët e huaj, kanë bërë që rebelët sirianë, gjegjësisht grupet që po luftojnë presidentin Assad të humbin mbështetjen perëndimore për shkak të dyshimeve të Perëndimit se këta të huaj janë të infiltruar të al-Qaedas brenda luftës për heqjen e diktatorit.

Sipas shpjegimit, në mesin e rebelëve sirianë, janë tre grupe luftëtarësh. Jabal al-Zawiya, aleanca e forcave kryengritëse që ka orientim demokratik dhe që lufton kundër Presidentit Asad, është forca më e madhe kryengritëse. Dy grupet tjera më të vogla, Al Nusra dhe Isil, janë të afërta me organizatën terroriste al-Qaeda. Luftëtarët e huaj janë pjesë e dy grupeve të fundit. Vrasja e 34 prej tyre, mendohet se është bërë pikërisht nga pjesëtaret e grupit të rebelëve Jabal al-Zawiya në përpjekje për të pastruar kryengritjen nga elemente të organizatës terroriste.
                                                 Shiko Videon Kliko  Këtu